12-18-2020, 02:40 PM
|
#1
|
|
وإرجع بقوه / وأبيك تقول : كبوة حصان .. لاتقول : ياحيف ،، لاشفت البشر تخذلك
🌸
إصنع لنفسك مكانه لو يضيق المكان
وإليا أرتفعت بشموخك يرتفع منزلك
وإعرف ترى محدن يوديك بر الأمان
ياكود دعوه لربٍ بالعفو / تشملك
وإفهم بأن النجاح ،، وكل حلمٍ وشان
في حكم رب البشر / لو البشر تهملك
إركد وشوف الأمور ،، بنظرة الأتزان
وإقدم / لأن الشجاعه للسما تحملك
وخل الأمل قدم عينك والحياه إمتحان
الياس لامن دخل قلبك ،، يبي يقتلك
وإسمع : إليا طحت لاترضى تطيح بهوان
إبدى من الصفر / والاحباط لايشغلك
وإرجع بقوه / وأبيك تقول : كبوة حصان
لاتقول : ياحيف ،، لاشفت البشر تخذلك
وركّز : ترى الناس تحكي دون علم وضمان
ولاتحاتي ،،، وجاوب : لابغت تسألك
وبه شي جداً بسيط ،،، وينفعك بالزمان
إستقبل الصبح ،، تلقى النور يستقبلك
وسهّل حياتك وأبي تطمع بخضر الجنان
ماانته بدايم لها ،،، لو العمر يمهلك
|
|
|