[دحووومي]

السلام عليكم ورحمة الله وبركاته


انا فيه موضوع مضيايقني بالحيل
هو حنا يالشباب
ليه مالنا كرت بالوجود من جد مسكر علينا من جميع النواحي
وإذا سوينا شي قالو لنا يؤ يؤ يؤ أنتم أجرمتم يعني أقضبو أرضكم
إذا رحنا منتزهات كالو عوائل وممنوع دخول الشباب
وإذا رحنا حدائق قالو عوائل وممنوع دخول الشباب
وإذا رحنا أسواق قالو عوائل وممنوع دخول الشباب
يعني لما ابي اشتري حاجه لي وخاصه فيني لازم أجيب العائله الكريمه عشان أدخل
وأشتري
إذا رحنا نتمشى بالشوارع مسكونا الشرطه وخذ يامخالفات
و حكومتنا ماقصرت حطت لنا حدائق وملاعب بس الواقع أننا يالشباب صرنا لما
نجي مكان شباب مانحصل محل نجلس فيه كله عوائل صدقوني سالفة العوائل خلتنا نمشي بطريق
مانبيه صرنا نتعرف على بنات عشان يدخلونا لأماكن العوائل خلونا نمشي بطريق الغزل
وإذا جيت لمكان شباب تلاقي العوائل جالسين جنب اللوحه اللي مكتوب فيها مكان مخصص للشباب

يعني كنهم يعاندونا ولما نروح مقاهي تروح السمعه يعني وين نروح أنتم ياهل العيون عندكم بحرالعقير
بس حنا ياشباب الرياض ماعندنا بحر يعني لما نقول بنطلع للبر ونلعب دبابات لازم نمشي 100 كيلو
لان من اول ماتمسك الطريق وفيه شبك يمين ويسار الطريق ومافيه فتحه الا بعد 100 كيلو

أقسم بالله طفشنا وملينا يعني الحين إللي ماعنده أستراحه يجلس هو وأصدقاءه فيها
يصير ضايع تلاقونه يا يسافر للبحرين كل خميس ويك اند وأنتم أبخص وش يسوي هناك
ولا ماسك هالجوال وجالس يبلتث مع فلان او فلانه والمشكله ننحد اننا نمشي بالطريق الخطأ

عموما آسف علإطاله بس حبيت أنقل لكم منضرنا ياشباب الرياض
أتمنى ماكون قليت الادب بس هذا الواقع

دمتم بحفظ الله

دحووومي