[القلب الشقاوي]

السلام عليكم هاذي أول قصيده لي وأتمنى انها تعجبكم....

سواليف الهوى تجرح .. وأنا به خاطري مكسور "
" أشيل الهمّ في قلبي .. غرام ٍ وانتهى دوره
أعدّي بالهوى رٍجم ٍ .. طويل ولا يشوف النور "
" أسلّي قلب مايقنع .. يتلّه للهوى صورة
أراجع بالهوى دنيا .. بلا حاكم ولا دستور "
"وأسامر فيه كم نجمه .. تموت اليوم منحورة
سبحت الحب بآهاته .. ركبت أمواج سبع بحور "
" لقيت الحب مايرسي .. طريحه شاطي بحوره
تفوح بحور مغدوره .. سحاب ٍ في مديده جور "
" يموت من الظمأ صادق .. وأراض الكذب ممطوره
أشوفه يبني آمال ٍ .. بها زيف الأمل مستور "
" أشوف آمال به تغرق .. وراها ناس مقهوره
أشوف الناس مرتابه .. وأشوف الحور ماهن حور "
" وأشوف الناس تسعى به .. ولاهي فيه مأموره
قريت الحب يعجبني .. ولكن يوم أعيشه دور "
" ألاقي فيه ونّاتي وألاقي ناس مسعوره
تهزّ إعيوني الدمعه ..إلى شفت النوى منظور"
" وأشوف ان النوى بلوى ..عليه الناس ماجوره
وأشوف البعد للخاين .. لمن باعد ظلامه سور "
" يرده لايجي يمّه .. بعد مابان مستوره
ملذّات الهوى سيف ٍ .. على كف الزمان يدور "
" إذا واجهك مايطعن .. حلف لتكون مغدوره
كفانا بالهوى ماضي .. بقى كنه هدام قصور "
" نجرّ الدمع لاجينا .. على تذكاره نزوره
كفانا ننتحب كنه .. بقى للموت بضع شهور "
" إذا باع الهوى كاذب .. نصير ارواح مقبورة
أقول اليوم للباقي .. على أوجاع الهوى ماجور "
" مصير الوقت إذا عشنا .. يلم ّ قلوب مكسوره


وسلامتكم...