[المحــــــروم]

	اكثر الالم مرارة عندما ياتي من صديق ... لانك لاتكون مهيأ لطعناته الغادره ... فانت تامن من جانبه , ولاتعتقــد ان سهــــم الغــــــدر سيأتي من شخص اتخذته صديقاً وعزيزاً ... ولكن هذا هو الصديق والذي للاسف يرمي بسهمه في اقل مواطنـك ضعفاً , فهو يعرفك جيداً ,, ويعلم مواطن الالم التي قد تقضــي عليك ... ماذا اقول امام هذه العبارة .. تذكرت ايام مليئه باللون الاسود ليس على من فارقتهم وفارقوني بل على الذكريات التي اتذكرها في حين وانساها واقول بكره تدور الايام و انسى كل من سلمتهم الثقه التي تكون رمز والعملة بين البشر واصحاب العقول و اهل الذمة والضمير .. ولكن في هذه اللحظه بس تذكرت كل اللي نسيته في ايام قد تسود في عيوني التي اشوف فيها كل من يصد و يتهرب من المواجهة والبحث في الحقيقة التي اصبحت في هذه الزمن منسية او استبدلت من الحقيقة الى لعبة الاشاعات .. اهـ كم ذبحت قلبي وانا حي اشيل اضلوعي من سبايب شريط الذكريات .. ياليت كل شخص ياخذ ذكرياته و محبته اللي احبهم في الله و اتشوق لمن فارقتهم عيوني او فارقت عيونهم .. وين الصدق اللي نسمع عنها في ايام وننكرها في لحظات .. صحيح الزمن ثابت ما يتغير لكن حنا اللي نتغير ونغير معها القلوب و نرخص الضمير وننسى الحقيقة .. المشكلة عندما تثق في اعز انسان وتداري عليه من الهموم والاوجاع صحيح الاوجاع ليست بالدم او بالضرب .. الاوجاع الحقيقية عندما يجرحك انسان من كلامه واسلوبه ويظلمك وهو يعلم انك مظلوم .. احباب ونشتاق ونكبر وننكر كل اللي حصل لكن هل من الممكن ان نرجع كل اللي راح وفات من العمر ..؟ وماذا عساني ان اكتب وماذا عن قوتي وصبري على هذا الصديق الذي يتسبب في ألآمك وحزنك الذي يطول علاجة ..! صحيح نحن كلنا نخطي ولكن لماذا لا نفكر بشكل الصحيح قد نظلم شخص في غلطاته ولكن لم نفكر انه فعل الصواب ولكن بطريقة العكسية وتتعقب الامور على بعضها حتى تكون مشكلة ليست لها حلول او افتراضيات للحلول .. ! قد يطول الكلام في هذا الموضوع ولكن الحقيقة تبقى واضحه لدى الجميع من الرغم ان الجميع لا يبحثون عنها الا عن طريق التصيد الزلات ففي الصدفة تنكشف الحقيقة..! [overline]الصداقة شي مستحيل ان يقاس بالعملة ..!! الصداقه معناها اشياء كثيرة وبنفس الوقت الاصدقاء يكون عددها قليل جدا ً للاشخاص .. ! وفي الاخير تذكرت لغة الاحساس من القصائد للشعراء .. واسمح لي ان اضيفها لو تكرمت ..![/overline] وصية اجتماعية بديت باللّي ما تعدّد عطاياه= الواحد المعبود رب الجلالي فرد ٍ صمد كل المخاليق تخشاه= سبحانه اللّي بالسماوات عالي بدعت قاف ٍ وافي القول معناه= ابيات فيها من حسين المقالي نثايل ٍ للرجل ... تزهى بدنياه= مثل الذهب صافي ومشراه غالي اختر لنفسك يافتى ... العز وارقاه= واتبع طريق المرجله والعدالي واعط الرجال احقوقها واكسب الجاه = وافعل الجودا وارتفع في العوالي وأدِّ الفروض الخمس والخير تلقاه = وتشفع لك الاعمال يوم الزوالي والوالدين اطلب لهم بالمعافاه = واسعى لهم بالبر باول وتالي والضيف حيّه في قدوم وملفاه = وقدّم له الميسور قبل السؤالي وأوصيك باللي طيّب الجد مجناه = سبّاق للعليا كريم السبالي طيب وفاء وان حل لازمك وفّاه = اللي على الشدات شال الثقالي ولاّ البخيل احذّرك لا تّرجاه = ما ينفعك في الضيق لا جا مجالي ترى الردي درب الردي دوم ممشاه = لا تصحبه حذراك لو كان غالي نذل ٍ خسيس ٍ موكر الذل مرباه = يشنيك في المجلس بقيل ٍ وقالي ولحاجته ياتيك والود مبداه = وليا قضاها راح ما عنك سالي نكّار للمعروف مابه مراواه = ولا يقّدر وافيين الخصالي وقت ٍ خدعنا ماعرفنا نواياه = الله يستر من صدوف الليالي هو عالم ٍ بالغيب والكل بحماه = اللّي على الأمه رقيب ٍ و والي وختم صلاتي عد نو ٍ نثر ماه = على النبي واعداد ذري الرمالي الشاعر القدير / راشد بن عبدالرحمن القناص السبيعي .. حفظة الله .. اوصيك بالطيب بديت باللي عالم ٍ كل الاسرار = الواحد المعبود جلاّ جلاله المتعلي المحمود بيديه الاقدار = فرد ٍ صمد كل الملا في ظلاله من بعد ذا بنظم تماثيل الاشعار = من ضامري اصوغها بالجزاله ويا صاح ودي تستمع زين الافكار = افكار من رجل ٍ يحب الشكاله اوصيك بالطّيب ذري كل محتار = اللي نهار الجد بانت افعاله ماشي على سلم المشاكيل الابرار = لا جا الشدايد وافيات ٍ خصاله هذا الصديق اللّي من الناس الاخيار = سمح النبا بالخير والعز ناله مرح ٍ بشوش ٍ مكرم الضيف والجار = عون الصديق الصدق واللّي سعاله وهذي عوايدهم هل المجد والكار = يستاهلون المدح أهل الجماله ولاّ الردي حذراك له يوم تختار = كذوب ما ينفعك لا جا مجاله مدّاح نفسه بالحكايا والاخبار = وضاري على درب الردي و الرذاله نذل ٍ ردي الساس ومقاربه عار = هماز لّماز ٍ وما به عداله قلته وانا اللّي شفت في كل الاقطار = ناس ٍ رجاجيل ٍ وناس ٍ ثعاله ولا يروم المرجله كون بيطار = رجل ٍ فهيم ... الحق يعرف دلاله والختم صلو عد ما هلّت امطار = على النبي مدي حقوق الرساله الشاعر القدير / راشد بن عبدالرحمن القناص السبيعي .. حفظة الله .. الصراحة تحضرني قصائد كثيره لهذا الموضوع ولكن الوقت عندي ضيق جدا ً .. !! واعتذر على الاطاله ..