[سعود العواد]

قولة نعم

قولة نعم مانالها كل رجال
وأن جات من باب اللواقه مصيبه

قولة نعم لصادق القول لاقال
مضياف وأدلاله مراكي صبيبه

عون الصديق والجار والعم والخال
حتى اليتيم مايفرقه من قريبه

واللي عنا له يكرمه طيب الفال
بالحيل والفنجال والعود طيبه

بالسر يعمل ماوقف يوم دلال
بيض الأيادي من طهارة حليبه

قولة نعم ما نالها صاحب المال
ياكود رجال العداله حبيبه

قولة نعم أغلى من الماس والريال
وأعظم من اللي مايقيم حريبه

واللي يظن المرجله بشت وعقال
هذاك كبش الذبيح ينطر قصيبه

الشاعر/ سعود بن احمد العواد