اقتباس:
المشاركة الأصلية كتبت بواسطة !عَ ــذْبـَـہْ♕
1- هل صادف انك صمت رمضان في مكة المكرمه ؟ ان كانت اجابتك بنعم / بين لي الاختلاف ان وجد لديكـ؟
|
الحقيقة صمت رمضانات عديدة في مكة المكرمة ..
و صدقيني لو جيت أوصف ما أظني أقدر ..
الصيام في مكة المكرمة و حياة العزوبية و زحمة الحرم الشريف و بُعده عن السكن - غالباً - كلها تخلي الصيام أقسى ..
لكن ألذ جداً جداً جداً ..
في مكة نصير ناس ثانية تماماً .. ناكل اللي يحصل .. و لانتشرط لا في أكل و لا في شرب ..
و في ليلة سبع و عشرين و ليلة ختم القرآن ليلة تسع و عشرين نفطر تمر و لبن و نظل في الحرم إلى نهاية صلاة التهجد يعني لين السحور ..
لأن لو طلعنا بعد صلاة المغرب ما راح نلقى مكان في صلاة التراويح و التهجد .. و مع ذلك لما نجي نلم أغراضنا قبل العيد عشان نرجع .. الواحد تخنقه العبرة فعلاً و ما وده يطلع من أشرف و أطهر بقاع الأرض و يترك الأجواء الإيمانية الرائعة اللي هو عايشها
اقتباس:
المشاركة الأصلية كتبت بواسطة !عَ ــذْبـَـہْ♕
2- وانت صغير هل افطرت عمدا على انك ناسي  ؟
|
الحقيقة لا .. عمري ما سويتها 
كنت أفطر عمداً و أنا ذاكر 
يعني أتوضا و آخذ لي رشفة موية و ما شابه 
ههههههههههههههههههههههههههه
كنت أقول لها ..
الحلى اللي فيه بسكوت و كريمة ..
أو الحلى اللي تحطين عليه هيرشي ..
أو الحلى هذاك الحالي حيل ..
أو الحلى اللي سويتيه يوم أعزم ربعي .. حتى كان يوم أثنين و لعبت فيه مع ربعي سوني 
و ما شابه ..
على فكرة .. فيه حلى أحبه جداً .. و هو عبارة عن بسكويت شاي مع كريمة فوقه و ينحط في الثلاجة .. هذا أعشقه بس ما أعرف اسمه 
اقتباس:
المشاركة الأصلية كتبت بواسطة !عَ ــذْبـَـہْ♕
4-اولادك _ ربي يحفظهم _ بتصومهم بنفس عمر صومك او قبل وبالتدريج نصف يوم الى يوم كامل ؟
|
الحمد لله أغلب أولادي يصومون حالياً ..
و الحقيقة بدأوا صيام في وقت مبكر ..
و عموماً عيال الجيل هذا بدأوا صيام أبكر من جيلنا لأن ظروفهم أحسن ..
البيوت مكيفة غرف و صالة و شغالة 24 ساعة في اليوم
ما فيه أحد يطرشهم الساعة 1 الظهر يجيبون بصل و إلا طماط من محل الخضرة ..
و لا فيه أحد يقول لهم الساعة 2 الظهر روحوا جيبوا الهريس من عمتكم و إلا خالتكم فلانة ..
يعني أنا أولادي بدأوا صوم من عمر الـ 8 سنوات تقريباً و برغبتهم هم .
اقتباس:
المشاركة الأصلية كتبت بواسطة !عَ ــذْبـَـہْ♕
5- موقف طريف صار لك برمضان يومك عازب ؟
|
مرة جلست أول يوم رمضان ..
و عشت يومي كالمعتاد في الفطر ..
فطرت و شربت شاي و مروق ع الآخر ..
و ناسي تماماً إن اليوم رمضان لأني أصلاً كنت نايم بدري و ما تسحرت ..
صادني أبوي و كاد أن يقيم علي حد الردة