[المحــــــروم]

هـــل تحــاول معــرفة السبــب..؟..

نعم مررت بهذه المواقف المؤلمة على نفسي .. والغريب في الامر ..

انك تحاول مهما قسى عليك بان تحافظ علية ولكن للاسف هو يتصدى عنك ولا يبالي ...!!

هذه الظروف الشيطان يلعب لعبة وينتصر على من صدق الكلمة بدون يقين او اثبات واضح ..

هكذا تعلمنا من نخاف عليهم ونحب لهم الخير ان يبادلونا بالقسوهـ بدون رحمة ..

صحيح في هذه المواقف لا تتم بمعركة او بحرب لكن تتم بالقتل ... نعم يتم فيها قتل الضمير والصدق في النفس .. ويولد معه مولد جديد اسمه النفاق على حساب الغير والمجاملة هي العملة الناجحه ..!

اخي الكريم ...

هذه الزاوية تكشف الكثير عن الحقائق عندما تفتح هذا الموضوع مع اشخاص عاشوا وضلوا على العهد الوفاء .. سوف ترى العبرات في اعينهم عندما يجاوب على كل ما تريد بدون تردد او نفاق والتظاهر بالتضحيات لانه بكل بساطة عاش اجمل الذكريات و فقد الصحبة الصادقة مع من يحب قربة و طرياهـ..

عزيزي لا نكتب القصص للمواقف المحرجة و لا نذكر الحكايات ليله والف ليلة ..

لكن نذكر عندما نمر في مواقف مؤلمة ومحرجة نتذكر من لنا في الصحبة لهذه المواقف ومن يفزع فزعت الذيب لصاحبة .. ولا ننسى يالغالي مهما قسى علينا الوقت وطال البعد ..

صدقني عمر العشرة ما تتخلى بلحظة قضب او لحظة طيش ...

نعم نزعل و ننسى ونرجع نقول في الخاطر هذه اخي من صلب الصداقة والعشرة ..

اهـ من وقت الطفولة عشنا بسعادة ..

والف اهـ على السنين التي غيرت علينا مسار السعادة ..

هكذا قلبي تعود على الصعيبات .. لالا ترتجي من باعك يرجع يشريك خلك عزيز في ناظري لا يهمك فراقة .. ادري انك ما تقوى على الفراق من غير اسباب .. وصح لسان الشاعر / مروان القناص يوم قال ..

	ياقلب لا تهتم ولا يشغلك حال = منهو نوى غدرك ومنهو يعاديك ياقلب خلك للصعيبات جزال = لا ترتجي وقت الشدايد عزاويك ياقلب أنا شفت الشقا شفت الأهوال = ياما وياما بالعجايب يرويك ياقلب لا تغتر في بعض الاشكال = افهم وميّز بالرفاقه امخاويك ياقلب شفت وعفت في كل الاحوال = ناس ٍ حقوده بالمجامل تراضيك ياقلب قلبي قيل في عد ّ الامثال = ماكل من يضحك بوجهك يدانيك ياقلب ماكل قيل للناس ينقال = اكتم بسرك من حكي لك حكى فيك ياقلب ما كل من لبس ثوب رجال = اعرف عدوك واعرف اللي مصافيك ياقلب كم زعله سبب ضيقة البال = ومن الربع ياكم خابت هقاويك ياقلب لا يهزك خطا هايف ٍ عال = من صد صده واترك اللي يجافيك ياقلب احذر للرديّين مدخال = تعل ّ فوق وخل ّ عنك الصعاليك احد ٍ تمنا خوته ذرب الافعال = واحد ٍ تحاشا شوفته لا يحاكيك ماني كفيل ٍ عند ربي للازوال = ولا انته مغير خلق ربي بياديك ياقلب لا تهتم لا تشيل مثقال = خل نيتك الله كريم يجازيك

صح لسانك يا شاعرنا في قصيدة كانت في القلب واقع على افعال من احب ومن اتقرب بالمحبة الله عليم عن النوايا ..

انا مستحيل اترك انسان اعزه من كل قلبي واكن له الاحترام والتقدير ..

وانا حريص اكثر منه على الصحبة .. ولكن اذا لم يكن بوسعه تحمل الصداقة بالعهد والمواثيق ..

هنا فقط اعرف ان الدعوى لم تكن صحبة وصداقة .. ولكن من حقي اعرف اسباب هذه التغيرات ...

وبعدها الله يستر عليه والدنيا دوارهـ ...

صحيح لبعض الناس صحبة عمر ... ولكن الكرامه ماله عمر ...

وبعض البشر تتغير فيها النفوس من العزيز الى الردي ومن المحبة الى الحقد ..

وكما قال الشاعر / مروان القناص ...

	يقول من لدهـ زمانه وعاقه = قد .. له .. اسنين ٍ ليعته الهوايل صابر على جور الدهر والمحاقه = ماله جدى ياكود بدع المثايل حملي ثقيل ٍ مالي بالزود طاقه = ياكثر ماني من عنا الهم شايل جرّبت من بعض الربع والصداقه = وعرفت كسبي منّــها والفشايل فكّــرت في دهري ابعقل ورواقه = ولي اتضح ما كان بالبال زايل ابمجهري حلّـلت وجدت اختراقه = عينّت صايبهم وعيّنت مايل احد ٍ على قربه أدوّره أشفاقه = وأسوق له ما ملك بكل الوسايل حاش المراجل فوق حسن اللياقه = باقصى ضميري رام روس الطوايل واحد ٍ على بعدهـ أدور افراقه = هماز لمازٍ كذوب ٍ وعايل ذاك الردي ودي لروحه زهاقه = أبقي افراقه لو خسرت الجزايل وناس ٍ تحب اجموعها بالرفاقه = يا حبني لكاسبين الفضايل والنعم إذا ثار البارود احتراقه = أقناد راسي ناقلين الثقايل يالله تجمعنا بطيب وعلاقه = أبغي الجماله والعلوم الجلايل وناس ٍ تزم خشومها باللواقه = ياكرهني لاهل النفوس العلايل كل ٍ يكن الحقد داخل اعماقه = تذم وتشنى ربعها بالهزايل يارب كفني شر ذيك الطفاقه = اللي يعكسون الحكي والفعايل جرّبت من مثلي يقلّب أوراقه = معلوم ماني من شقا الشر فايل هذا زمان ٍ لد قلبي وعاقه = قد له اسنين ٍ ليعته الهوايل شعر / مروان القناص السبيعي ..

صح لسان الشاعر ..

اتمنى للجميع الصحه والعافية ..

الله يبعدنا عن شياطين الانس ...

اخوك / ابو عبدالرحمن