[أبو طلال]

ساعة وأنا ألف وألف وألف
وأدور وأدور وأدوووووور
على مستشفى الإنسان مالقيته
هذا كان كلامي لشخص متصل عليه عشان يقول لي مكان هالمستشفى
ويرد علي ماعمري سمعت بالمستشفى هذا
خير عسى ماشر ؟
قلت له أبد سعيد أرسل لي رسالة
عشان أجيه المستشفى لأن سيارته موديها الورشة
قال لي : ياخي إتصل عليه وفك عمرك !!
قلت له : ياخي أتصل عليه ويقفل أحيانا وأحيانا يرن ومايرد
قال لي دبر عمرك وياه ،،،،، وقفل

شوي بسيطة إلا سعيد يتصل علي ويقول كلام مافهمت منه شي

ياسعيد ترى وربي مافهمت شي ،، أنت وينك ؟
قال وينه ،، وهو قريب حيل مني ورحت له
الله يهديك ياسعيد
لفيت الحارة ذي أدور على مستشفى الإنسان مالقيت
قال لي وهو مستغرب : أي إنسان ؟
قلت له أنت مرسل لي أنك في مستشفى الإنسان
قال ياخي أنا كنت في مستشفى الأسنان ،،، ماتشوف القطن في فمي
أم اللحسة خذ هاك شوف رسالتك يابو إنسان

طبعا ماعلقت كثير عليه
هههههههههههههههههههههه لأنه حتى أنا أغلط في الملتقى كثير
لما أقدم حرف على حرف هههههههههههههههه