[مفلح بن وسمي]

السلام عليكم .




لبيه ياللي ناشده عن جديدي === جديدي انتي وانتي اخر نشيدي
من يوم شفتك والقلم صار يكتب === كني تقمدت القلم بين ايدي
اكتب ولا ادري كانني كاتب اسمك === لين اكتشفت انك اسرتي قصيدي
واصبحت انا متاسر بين كفك === مسجون ماخلف القضيب الحديدي
سلمت نفسي في غرامك مسير === واصبحب رهنك واطلبي ماتريدي
متقيد بحبي ولا اقدر اهرب === اعرف حدود السجن واعرف مقيدي
قلتي جديدي والعسل صار ينزف === وكل مانطقتي قلت لك ها عيدي
الين ما ادمن لذه كلامك === واصبحت احقن منه داخل وريدي
يا عزة اللي امتلك منك عزة=== عزالله انه انسعد بالاكيدي
ماهو بمثل اللي كتب له قصايد === يشرح بها احلى الغرام الفريدي
لاكن ترى ماعاش منها ثواني === وصف المشاعر كللت للبعيدي
اشوف واسرح والتقي بالمشاعر=== واعيش كذبه لاجل اذوب جليدي
عايش على صمت البرود المؤبد=== ازرع ولاقدني جنيت بحصيدي
اكتب وغيري بالغزل يستمدها === انا احترق من غير ما استفيدي
فان كنت كاذب فانتي اصدق حقيقه === وانتي الحياة اللي بقت في رصيدي
يافلسفة شعري بلاش اتفلسف=== انتي الجدايد وانتي اخر قصيدي






تحياتي .