بسم الله الرحمن الرحيم
السلام عليكم ورحمة الله وبركاته
التنوع مطلوب وجميل 
والاختراع تصير أمه الحاجه 
وعلشان احترت وش أسوي 
قلت لازمن وحتمن ولابدن أني أخترع 
بس أخترع شيء جميل مو خربوطي 
.....................
جبت كل الأشياء الي متوفره عندي
وحتى الي مو متوفره جبتها 
اهم شيء يطلع جميل مايفشل أختراعي 
الطبق الي سويته عباره عن
سلطة الدجاج مع الخضار
المقادير:
(1)
ملفوف مفروم,جرجير مفروم,كزبرة مفرومه, بقدونس مفروم,جزر مبشور,خيار مقطع مكعبات,طماطم مقطع مكعبات.
(2)
فلفل رومي أحمر وأخضر,زيتون معلب اسود وأخضر,حمص حبات معلبه, وقليل من الملح,وزيت الزيتون,وخل,وعصير ليمونتين,
وبطاطس مقطع مكعبات ومقلي
وهمبرجر مقلي ومقطع مكعبات >>>دموعه أستخدمته أختصار للوقت مكتوب عليه صدور دجاج 
الطريقة:
نخلط جميع الخضروات الورقيه والزيتون بنوعيه والحمص والجزر والطماطم والخياروالجزروالفلفل بنوعيه
ونضع على حسب الرغبه زيت الزيتون والملح والخل وعصير اليمونتين
ونقلبهم في طبق
ثم نضع المكونات بالترتيب في طبق التقديم اولا خليط السلطه السابق ثم البطاطس وبعدها قطع الدجاج
وهذا الطبق جاهز
ونضع عليها الصوص
الصوص كان بسيطا عبارة عن زبادي وعليه رشة من الزعتر والسماق
وهنا بعد
ما أبالغ الطعم كان جدا رهيب ولذيذ
لدرجة اني فطرت وتسحرت عليه
وعلينا وعليكم بالعافيه
اتمنى طبقي البسيط يعجبكم