[سعودالدوله]

السلام عليكم ورحمة الله وبركاته

اسعد الله مسائكم بكل خير

اخر ما كتبت علها تبلغ الرضا

الموت ماهو طلعة الروح يا صاح
الموت موت الحب في قلب غالي
شخصٍ يغني ممتلي قلبه جراح
وبعض الجروح اصحابها في تسالي
ليت الطعون اللي تجي دق الارماح
تلقى لها صدرٍ وسيعٍ شمالي
وليت الليالي مالها وسم الاشباح
يالله عسى همي اشيله لحالي
والشوق علمي ما يجي ضحك ومزاح
وعمر الغلا ما كان الا لغالي
يا صاح انا مركاي للطيب فواح
واعشق ولكن عزتي راس مالي
ولاني من اللي يتبعٍ هب الارياح
وان طحت ماهي طيحتي للميالي****
ياصاح والدنيا على بوح نواح
ما عشتها اوضاعي عسى واحتمالي
كاني شكيت الهم من باب سواح
من عزتي ماني بدوس الظلالي
طعنت انا الجوزا على كف شواح
من عادتي ما شلت غير الثقالي
هرج القفا لو هو على سم ذحذاح
ما هزني يا كود يا هملالي
اللي مضى ماهو على خاطري لاح
قفى ونا اللي حاسبٍ للتوالي
وابشرك والله قانع ومرتاح
ويا زينها بعض المواجع تسالي