[شوووق]

وعليكم السلام ورحمة الله وبركاته


ياعمري بالصبر تنال فديت قلبك الله يسعدك

... يلا نبدأ ...
7
7
7
7
7

7

1) كم مرة صبغتي شعرك ؟؟

ولامرة ،، حناء ومن زمااااااااااااااااااااااااااااااااااااااااان ماحطيت ماعندي وقت


2) تحبين احد في هالفتره ؟؟

لا ، بس قبل ماباقي أستاذة ماحبيتها من ابتدائي إلى الثانوي
وحبي كان على الصامت مااحد يدري إلا أنا ،،، ودمع علمتها على وحدة ..يعني عشان تجيب أخبارها لي
وحاليا والله أحب كل الناس ماأكرهـ أحد ..

3) تقدرين تعيشين بدون مكياج ؟؟ ((بصراحه))

أعيش بدون مكياج وكنه العيد

ليس من الضروريات

وفي المناسبات ويزهق بعد .. وهات ياتعليقات من الأولاد .. وخاصة من الأسد ..

4) هل انتي راضيه عن شكلك الظاهري حاليا .. أو أنك تحسين أنه يبي لك بعض التعديلات ؟؟

الحمد لله راضية وبقوة ..


5) تساعدين أمك بشغل البيت والا تخلين الخدمه بدالك ؟؟

الله يسلم أخواتي أيام الدوام .. وأنا الخميس والجمعة

مااااااااااعندنا خدامة الحمد لله

6) من هو أحلى ممثل عاجبك؟؟

ولا أحد ..

7) لو شفتي وحده احلى منك تغارين منها؟؟

لا ،، بس أقول ماشاء الله والله يحفظها
....

8) وشو مواصفات فارس احلامك ؟؟ ::

يخاف الله
ويبر بأمه وأبوه ،، ويحترمني ويقدرني ويشتري لي حلويات وشبس شيتوس بالحبن

9) هل تتمنين أنك تصيرين أم ؟؟

وأنا صغيرة ايــه ،،

// الآن مايجي في بالي أفكر .. عقلي ماعنده وقت مشغول بأشياء ثانية .. مدري ماتعمقت فيه مررة .. خويتي توها حامل خامس واحد وتبكي لأنها حملت .. وتتمنى يطيح ماعرفت إنه نعمة .. خلاص صرت أم ربيت عزوز ..

10) كم تنامين من ساعه باليوم؟؟

إذا مريضة كله في فراشي ..
وإلا النوم عندي ماله وقت أبدا..

يعني أحيانا يومين أنام فيهم أربع ساعات

وأحيانا يومين ماأنام دقيقة ..

بس الأربعاء أنام أعوض تعب الأسبوع ..

يعني أنام بعد (12) وآخر قومة تكون 11 الصباح

قاعدة عندي ( ماأنام قبل 12 لو إني ميتة نوم ..كذا بدون سبب )

11) وشهي مجلتك المفضله؟؟

ولاشيء .. يوم كنت صغيرة مجلة ماجد فقط .. وفي فترة المراهقة مجلة حياة ويوم كبرت شوي مجلة نون

وحاليا مؤلفات خالد المنيف ..

12) كم ميزانيتك للملابس بالشهر؟؟

ماأشتري دايما .. ملابس البيت قمصان بـ (20) ريال من الدوار واذا اختربوا جددتهم ..

وللدوام تدرين بين فترة والثانية نشتري يعني مااصرف كثير على الملابس ..



13) هل تبكين بكثرة والا تحسين ان بكائك طبيعي ؟؟

بكائي طبيعي
الحمد لله ،، ماني قايلة متى أبكي ..ههههه

14) هل تحافظين على وزنك بالنسبة لطولك وتهتمين بغذائك والا مشي حالك؟؟

الحمد لله محافظ على نفسه ،، تصدقين نسيت ماتغديت .. والفطور بكرة علي ..

بس اذا شفت وزني زاد كيلو والا ثنين قللت دهون ..

15) وشو البلد اللي خاطرك تروحين له؟؟

المدينة النبوية ،،، ماحد معطيني وجه من المحارم

16) هل تشوفين أن صوتك حلو ؟؟ :

الحمد لله عاجبني وبقوة وأحبه موووووت .. هع


17) كيف تقضين أوقات فراغك؟

مايجي عندي فراغ إلا في الاجازات الحمد لله .. ماعندي شيء معين بصراحة .. بس أحاول أزور أهلي وأحباب قلبي يعني تواصل أسري وأروح للي ولدت من زمان والا اللي تزوجت .. يعني أوجب .. وبالبيت إذا عندي فراغ تلفزيون .. انترنت .. تنظيف شامل أحيانا .. وأهم شيء ( أجلس مع بابا كثير كثير )
الله يسعدك الأسئلة حلوة ماشبعت وأنا أجاوب ..

...