[مملكة الاحساس]

في رمضان هذا العام
كانت فيه مسابقة يوميا بجوائز مباشرة

اي والله يازينها من مسابقه جدا كانت رائعه
والله يبلغنا رمضان العام القادم إن شاء الله

الآن أبغى من اللي فازوا يجاوبون على هذه الأسئلة .

ابشر طال عمرك

1 - وش الجائزة اللي فرحت فيها أنت ؟

كلهم حلووين والله
بس فرحت بالمسجل حيييل
لاني كنت ناويه اشتري لي واحد وارجع اسمع محاضرات زي قبل
وهالمسجل جاء في وقته

2 - وش الجائزة اللي فرح فيها أهلك ؟

كلهم فرحوا فيها المسجل والشواية وصنية المكسرات...ووو كلهم كلهم

3 - وش الجائزة اللي جات في وقتها ؟

صينية المكسرات جات على ايام العيد وحطيتها مع المكسرات في اول يوم بالعيد ومازالت موجوده للحين في غرفة الجلوس

4 - وش الجائزة اللي ماعجبتكم ؟

ولاشيء والله كل الجوائز حلووين وكلها مفيده والله لكل بيت

5 - وش الجائزة اللي أهديتيها لأي شخص خارج بيتكم ؟

فيه جائزة من ضمن الجوائز ماعرفت من اعطيها والله
احترت
لان كل الي حولي يستاهلونها

6 - وش الجائزة اللي فاز فيها غيرك وتمنيت أنك أنت الفايز بها ؟

مادري والله ماذكر بس والله كانت كل الجوائز حلوه حيل لكل بيت

7 - وش الجائزة اللي تفاجأت أن تكون من ضمن الجوائز ؟

ههههههههههه
الهوز او خرطوم الماي
تفاجئت فيه حييييييييل

8 - وش الجائزة اللي ضحكوا عليها أهلك ؟

ههههههههههههه

جائزة الشنطه الي فيها السكاريب والزراديات
يقولون كيف جبتيها هذه
كيف فكرتي وفزتي فيها
خخخخخخ

9 - هل تريد أن نعاود المسابقة السنة الجاية؟

حيييييييييييل وبقوة ابغيها ترجع السنة الجاية الله يبلغنا واياكم كل خير يارب

10 - وش الجائزة اللي تبي تكون موجودة السنة الجاية ؟

مصحف وكتب نافعة
علشان هو علم نافع ويدوم اكثر
وربي يكتب لكم كل اجر فيه

المشاركة الأصلية كتبت بواسطة أبو طلال

في الأخير اللي فازوا أو اللي تابعوا المسابقة
إذا فيه أي تعليق أو توجيه عن المسابقة تفضلوا قولوا .

بالنسبة لي المسابقه حيييل حبيتها واستفدت منها ومن كل جائزة وغيري استفاد منها بعد
الجوائز كانت مرضية للجميع وكانت حلوه حيل وحبوها المشاركين والمشاركات بالدليل تواجدهم كل يوم
وشوفوا كم وصل عدد صفحات المسابقه بدليل انها ناجحه حييل

وبيض الله وجهكم يابوطلال ويابويعقوب على هالمسابقه الرائعه وعلى الجوائز الي ارضيتوا فيها الكل