[خالديه]

جتني تسلم في سلامه عمى عين
ياليت ربي فكنـي مـن سلامـه
مدت يمينٍ ساعدتهـا الشياطـن
وزود على ضغط اليمين ابتسامه
ثم اكشفت وجهٍ حوى كامل الزين
بدرٍ تجلى عـن سـواد الغمامـه
وقالت بصوت بحه الهم والبيـن
والحزن واضح في ثنايـا كلامـه
وينك ثمان اسنين مالك عناويـن
ولا لقينا بالوطـن لـك علامـه
درت البلاد ودرت كـل المياديـن
ودرت الشمال ونجد واعلي تهامه
تركتني واقفيت مثـل الشياهيـن
حطمت قلبي واسود الوقت ظامه
هل لا يزال الحب وسط الشرايين
والا خذا قلبـك فريـد العدامـه
وتبسمت والدمع وصل الشفاتيـن
والحزن ركز بالضماير سهامـه
قالت وانا صامت ولا قلت حرفين
الصمت في بعض المواقف شهامه
سحبت انا يدي وقفيـت بالحيـن
وابعدت عن درب الخطا والندامه
حماني الله في ثلاثٍ مـع الديـن
العقل والعفـه وخـوف الملامـه


هذي من قصايد نديم المجره