خافقي
* * * * * *
ابيات بسيطه كتبتها لموقف حدث مؤخرا
اثر هذا الموقف فخرجت بهذه المحصله
علها تعحبكم
خافقي ما يعتــلي غير السحــاب
وكل شي ٍ غــير ربـي يضمحـــل
لو هي تســوى دنيتي ذرة تراب
كان ما حي ٍ عن احبـــابه رحـل
دنيــة ٍ لو هي عمــار ٍ للخـــراب
وكل شي ٍ لو تزخـــرف للوحــل
ثابتــه تاقف على حـد النصـــاب
ومن ربطهـــا عقدتـــه لازم يحل
ما بكيت الا على ذنب ٍ وصـــاب
ولا ندمــت الا على وقــت ٍ نحـل
من فقد دينـه ويا مــال الذهـــاب
مالقى من عقب فقـــده من يحـل
الســـواد اللي ظهـر فجـــآه وذاب
في عيــــون اللي بغى يرقا زحل
انقطع راجي لها التــوبه وخــاب
دامهــا النيـــه حــرام ٍ واستحـــل
هيه يا روحي عسى مالك حساب
يا عســـاها جنــة المــولى محــل
ادري هالدنيـــا مثــل باب ٍ وباب
وادري ما للمـوت من حيٍ فحـــل
دامها الرحلـــه ذهاب ٍ مع ايـــاب
يا عسى عيني لها دمعـي كحــــل