[مملكة الاحساس]

آلسلآم عليكم ورحمة الله وبركآته

وعليكم السلام ورحمة الله وبركاته
ياهلا وغلا...


بآك بالأسئلة :

حياك ربي أنت والأسئلة

- مآمدى تعلُّق (نُورَة) بالقنوآت التلفزيونيَّة , ومآمدى تأثيرهآ عليهآ ؟

الحمدلله نورة احس انها مو متعلقة بالقنوات التلفزيونية كثير...يعني لو مثل احط لها قناة براعم او اي قناة تحبها....وتشوفني رايح المطبخ اصلح حلى ولا عشاء تفضل انها تجي معي المطبخ تساعدني....
احس انها تحب الاشياء الحركيه الحيه الي قدامها....
وانا بالتالي اسند لها بعض المهام البسيطه
مثل تفتح لي حبات جبن كيري او تمسك خلاط الكيك...او اخليها تزين كيكة معي....او اعطيها جزء من عجينة الفطائر او معمول التمر تشكلها ع كيفها....وتعالي شوفي الوناسة اذا استوى الشيء الي هي صلحته تمبسط حيل

وبالنسبة لتأثير القنوات عليها الحمدلله بدون مبالغه احس انها تنجذب للاشياء الايجابيه دون عن السلبية ومن هي اصغر من هالعمر وهي تعرف بعض الصح من الخطاء
مثلا بعض الافلام الكرتونيه الي فيها شيء من القبلات وغيره تقول مثلا ماما هذا الفلم قليل ادب غيريه مثل فلم شريك الي يجيبونه ام بي سي3
او مثلا الشخصيات الي يلبسون ملابس شبه عاريه وغيره تتنبه لهم
الاحظ عليها تحب الشخصيات الحية مثل طيور الجنة وغيرها....
خليني اقولك موقف صار لها وهي تقريبا عمرها 4 سنوات ونصف كنا بإمارة دبي وكنا مع اخوي وسواق العائلة الي نعرفهم ... كانت جالسه جمبي وتناظر بالشارع في اثناء مشاهدتها للشوارع مرة وحده اجنبيه لابسه شورت وتي شيرت.... طبعا هالمناظر مو متعوده عليها عندنا
لما شافتها اشهقت وقالت ماما شفتي ماما؟
قلت لها وشو؟؟؟
قالت شفتي قليلة الادب الي ماتستحي شفتي وش لابسه؟؟؟
انا ضحكت عليها
بس اخوي والسائق الاجنبي مات عليها من الضحك ع نقدها للبس الاجنبيه.
الحمدلله احس نورة اكبر من سنها بكثيرة... وهذا يرجع لان حنا من وهي صغيره نكلمها ع انها كبيرةوفاهمه.




- مع التقدُّم التكنولوجي في مجآل ألعآب الأطفآل نلآحظ ميلهم أكثر للألعاب الإلكترونيّة ,
وكمآ هو مُلآحظ على (نُورَة) حُبهآ لألعآب الجآلكسي تآب .حدَثينآ عن ذلك .

ماشاء الله نورة احس انها ذكيه وتفهم بسرعه ربي يحفظها... لما نجيب لها لعبه او دميه ماتتحرك او اي لعبه تحبها وتمبسط معها ...بس تمل منها بسرعه
بس تحب العاب المطبخ ودايم تطبخ وتاكلنا من طباخها الخيالي.......
لما كانت اصغر من هالسن... كانت تحب تلعب بالعاب الجوال...
ولما كبرت شوي شوي صارت تحب تلعب باشياء اكثر وتحب اشياء اكثر تكنلوجيا والي ساعد ع حبها لهذه الاشياء وجود ولد خالتها عبود
هو يعلمها ع هالاشياء الحين هي تعرف تفتح المحمول بالحالها وتدخل ع قوقل وتكتب الاشياء الي تبغيها مثل الالعاب وبعض المواقع الكرتونيه..
ولما ادخلت المدرسة ابوها ماقصر جاب لها جالكسي تاب وعبود مايقصر يحمل لها العاب تشغل افكارها وتنشط عقلها وانا وامها نشوف الاشياء الي يلعبون فيها الحمدلله مامنها اي خوف... مثل بناء مدينه او قلعه وغيره....
ربي يحفظها سريعه الفهم.






مآشآء الله آلطفلة موهوبة ووآسَعة الخيآل

أتقنت فنَّ آلكُولآج وآلرسم في سنٍّ مُبكرة

هل تلآقي تشجيع من الأهل والمدرسة في تنمية هذه الموآهِب أم كمآ نُلآحِظ من بعض المُدرسآت من تُحطِّم الطآلبة بقولهآ : من رسمهآ لك ؟ أو مو أنتِ اللي رسمتيهآ ! <<~ مآتقصد أحد



بالنسبه للمدرسة للاسف مافيه اي تشجيع من المعلمة الاساسية لمادة الرسم
بس اذكر مرة قالت لي ان معلمة الصف شافت رسمتها لليوم الوطني وخلت البنات يشفونه وشجعتها ع هالشيء
التشجيع شيء نفقده في مدارسنا؟؟؟؟

اما بالنسبه للاهل الحمدلله ام نورة ملاحظه ع بنتها من وهي اصغر من هالسن مسكتها للقلم صحيحه وتحب تكتب وترسم
فاصارت تحضر وتشتري لها الوان خشبيه وشمعيه في البدايه كانت تلون الرسومات الجاهزة والحين ماشاء الله صارت تحب ترسم وتلون... وعندها تنسيق في الالوان وتحب حيل اللون البنفسجي

وهذه السنه صارت تحب تشكل اشياء بالمناديل اخذت لها مقص خاص فيها علشان تشكل اشياء بكيفها بدت اول شيء بالمناديل وبعدها بورق الالوان وغيره

ولما تكون معي احب اشاركها في بعض الاشياء الفنيه مثلا صناعه شنطه من كرتون وتزينها بورق الجلاد اللاصق وغيرها

ولما اوديها ابوريالين اخليها تختار الخامات بنفسها

يوم من الايام راح اعرض لكم بعض الاشياء الي ساهمت في صنعها

طلب صغيرون
الي يقرأ اللقاء ياليت يذكر الله ويقول ماشاء الله
والله ما اظن فيكم الا الظن الحسن بس
هي وحيدتنا واخاف عليها حييييل

شكرا لك غاليتي قالوا علامك
واسفه اذا كانت اجاباتي مطوله
بارك ربي فيك