[أبو طلال]

صحيت من النوم وكنت جوعاااااااااااااااااان جدا

وماني عارف وش بآكل خصوصا أن الوقت مافيه مطاعم قريبة مني فاتحة

جاني إتصال من أختي وقالت لي سو لك رز مدخن بالتونة

قلت وش عرفني أنا

قالت بسيطة جدا وسريعة وهي لذيذة

وسويتها وطبعا كانت سريعة جدا وكانت لذيذة

قطعت الطماط والبطاطس والبصل وغسلت البقدونس وكم ورقة نعناع



الطماط خليته كبير


مع الزيت والبهارات والملح على النار الهادية وغطيته


وكل شوي أقلبه وأحركه وإذا ذابت المحتويات أحط التونة


أثناء ماالشغل ذاك على النار أسلق الرز اللي أحط عليه الملح


وبعد أسلق كم بيضة


أشخل الرز لتصفيته من الماء


أحط التونة في قدر وأحط فوقه الرز





أغطي القدر على نار هادية بكذا ريحة الشغل اللي تحت تصبغ في اللي فوق


بعد ماينشف الرز أقلب القدر على الصحن


وهذا هو الرز المدخن بالتونة


وربي كانت روعة الله يسلم اللي سواها واللي علمه عليها