[مملكة الاحساس]

أنا تعليقي يمكن يكون مضحك ويمكن لا
بس هو يحاكي مجتمعنا وازمة السكن وغلا مواد البناء
وهذا الرجال الي على اليمين جاي يدور سكن
وهذاك الي باليسار مجمع له سيارات وباصات خربانه ومسويها ادوار مثل العمارة وصاير بواب العمارة




الحوار كالتالي:

محمد: السلام عليكم
البواب: وعليكم السلام اهلا وسهلا اسم الكريم
محمد: اسمي محمد
البواب: نورتنا ياستاذ محمد
محمد: اقول كم تأجر هالباص اقصد هالبيت
البواب: اجاره بالشهر 1000 ريال يعني يطلع لك بالسنة 12000 ريال سعودي
محمد: ادري ريال سعودي اجل بنقالي
ليه هو كم فيه من كرسي ... أحم أحم اقصد من غرفة.
البواب : لاتنسى وانا اخوك انه سكن ارضي ....فيه غرفتين قدام ومطبخ ودورة مياة والصالة اخر الباص >>>>أكرمك الله
من مميزاته انك ماراح تستخدم اي سلة زبالة او اي اكياس فيها على طول افتح النافذة واحذف اي شيء عندك ويجي عامل البلدية وينظف كل شيء .... وفيها 3 ابواب علشان لو بغيت تطلع والمدام ماتشوفك اطلع من اي باب تحب
بس عيبه انه مافيه سطح تتمشى فيه.
محمد طيب والسيارة الحمراء الي فوق احم .... احم عفوا ....اقصد الكبينة الحمراء كم اجارها.
البواب: ياسلااااام هذه عاد موقعها ممتاز واجارها ممتاز.

محمد: كم؟
البواب: هذه اجارها 15000 بالسنة.
محمد: ليه هالسيارة تطير؟؟؟
البواب: لا ماتطير بس لها مميزات حلوة...
اولا هي غرفة وحدة ودورة مياة
>>اكرمكم الله
وحده والمطبخ مافيها بس اذا حبيت اطلع فوق السطح واطبخ على كيفك بغيت مندي بغيت مشاوي بكيفك ولا من مميزاتها جمبها ملحق اضافي {السيارة السوداء} لو بغيت تستاجرة لضيوفك ماعندي مانع ابدا
هاه وش قلت
محمد: بعد وش اقول خلاص ابسكن بالكبينة الي فوق والله يسهل.
البواب خلاص روح جيب عفشك ومبروك عليك السكن... ولاتنسى اذا طبخت شيء احسبني معك بالطبخه

وانتهت ازمة سكن محمد وسكن بهالكبينة لين الله يفرجها عليه
وتوته توته انتهت الحتوته