[وســـام]

السلام عليكم ورحمة الله وبركاته


شلونكم عساكم طيبين
صباح الخير على الجميع

هذي قصة واحد راح لحديقة الحيوان الله يكرمكم ويسمع صوت ورعان يضحكون ومتجمهرين لهم على شبك يوم

قرب منهم وقط وجهه على الشبك شافهم يضحكون على الذيب المهم هو تحسر على منظر الذيب وهو في شبك

لان الذيب معروف فعوله من اول لدرجه كانوا الاولين يضربون فيه المثل في قصايدهم يعني بفعاله

وهي القصة والقصيدة منقوله بس اعجبتني وان شالله تعجبكم

آخر زمن يضحك على الذيب جهال=جار الزمن و ان جار به من يلومه
الذيب لو انه تكلم شكا الحال=يا عزتي له من يخفف همومه
من عقب ما يضرب بشرواه الأمثال=شين الدهر للناسرغيّر هدومه
احترت بك يا ذيب يا ذيب شالحال=هذي صروف الوقت ما هي رحومه
مالي جدا يا ذيب غير اصعد الجال=جالٍ عوت فيه الذياب محرومه
هذا زمانٍ عز عفنين و انذال=و العفن عيت بنت ابوها ترومه
صاروا هل القالات و القيل و القال=و من قولهم سرحان قلت اعلومه
يا ذيب لو الورى سرّت البال=لكان ما شفت النفوس مهضومه
انته تبي حزم و جلاميد و جبال=و حيود و البيدا و نفس محشومه
و أنا و لالي عم يذكر و لا خال=و لا شفت من سد اللوازم لزومه


وسلامتكم