[وســـام]

شوفي الطلاق هذا بالعزيمه من باب العزيمه الحاره بمعنى اصح يعني شخص غالي علي

تكون عزمتي له حاره مهوب كلام شفيه لكن مهوب ناخذها من باب الالزم لانها راح يترب عليها امور كثيره

اول حاجه تصير في بعض الاحيان مغثه للضيف لانه يمكن عنده امور اولى من العزيمه ولا ظرف انت كذا تنشبه بالعزيمه ممكن قصد صاحب العزيمه يبين غلاه خويه
ثاني حاجه ممكن الرجال هذا جا من منطقة لين منطقتي له شغل خلص شغله دق يافلان بجي اتقهوى عندك وبمشي يعني يبي يريح ثم يعود له وتذكر بالديره هذي له اخو واخذ اعلومه اعزمه لاصار مشغول لية تغثه
ثالث حاجه اللي كان يطلاق الاولين لانهم ماكان عندهم اول مثل الرخاء اللي عندنا ذلحين والنعمه ولله الحمد متوفره في كل مكان ياربي لك الحمد والشكر الله يديمها ويمنعها من الزوال
رابع حاجه المضيف اذا يحب ضيفه ويبي الكرام يخليه على راحة ويلزمه في وعد وانتهى
خامس حاجه ام عيالك مهوب رخيصه عندك علشان تطلاق كل دقيقه

هذا سبب كلمة علي بالطلاق تستخدم قديما اكثر من ذلحين لان قديما نادر الرجل لاجا لديره غير ديرة فايلزمونه ذلحين ولا كانت الثقافه عندهم مثلا الان والوعي واللي حنا فيه
كلامي هذا مهوب معناها تتخل عن ضيفك ولا لك عذر تتخل عنه اكرمه لكن مهوب تغثه كرم رياجيل لاصار فاضي وبيقضي له يوم عندك ولاجايك ماوراه شغل عطه حقه

هذا رايي

والله يعطيك العافيه على الموضوع ادري سويت لكم قصة