[سـڪـوتــے صـع ـب تفسيرهـہ]

ترى الزعل موجود مابين الأحباب
وترى العتب بين المواليف عادي


في نظرتك رغم الزعل حب وأعتاب
وأنا بعد رغم الزّعل معك عادي


أهم شي في قلوبنا شوق وأعجاب
ما أقوى بعادك و أنت تكره بعادي


اقسى شعور احباب لاعاشو أغراب
وأقسى بعد لا كان خلفه عنادي


اللـي يبي الفرقا يدور لها اسباب
سهل السبب لاصار ناوي البعادي


والبعد ما يغلب إذا الحب غلاب
والوصل مايهزم إذا الشوق زادي


قلبـك نظيف ومن كثر طيبته شاب
من طيبته يقدر يغطي العبادي


دام القلوب أنظاف في صدور الأحباب
يبقى العتب مابينهم شي عادي