[مملكة الاحساس]

بسم الله الرحمن الرحيم







السلام عليكم ورحمة الله وبركاتة

اهلا بكم جميعا
ربما يكون الموضوع محبب عند فئة من الناس والبعض يكرهونه
ولكنني لست مع قيادة المرأة لسيارة.


اليوم احببت ان اتكلم عن موضوع لطالما خاضوا الناس فيه صولات وجولات

ومازال البعض يتحدث عنه حتى في مجتمعنا هنا بالعيون كثير لاحظت انهم يستنون امر

الا وهو قيادة المرأة للسيارة ومازالت بعض الاخوات تصر على قيادتها السيارة.

وتؤكد ان هذا حق من حقوقها........
وهل فعلا حقوقها ناقصة ويعني ماراح تكتمل هذه الحقوق الا اذا استلمت المرأة رخصة قيادة السيارة





ولو فرضنا انهم سمحوا لك بقيادة السيارة راح تسوقينها وانتي لابس عباتك المعتادة والجلابيه او التنورة والبلوزة؟

طبعا لماتسوقين السيارة راح تتضايقن من عباتك لانها تعرقل الحركة عندك
لا وراح تقولين ان لبسك ابدا ماراح يصلح للحركة
اذاً انتي مضطرة لتغيير موديل عباتك وراح تكون اخف الامور :عباية كتف ومو مسكرة
طيب بعدها وراح تتضايقين من جلابيتك وبالتالي راح تقترحين على نفسك لبس البنطال اسهل واسرع
ودامه تحت العباية اكيد بتقولين من بيشوفني صح؟

صدقيني الحياء منك بينتزع شوي شوي

ولو فرضنا انك يوم توجهتي للسوق او اضطريتي تطلعين لحالك تظنين انك ماراح تتأذين من الرجال حتى لوقلتي انا ابحفظ نفسي وهم بكيفهم وانا اقولك يالغالية الشيطلن ما مات؟




تخيلي طلعتي مشوار لحفله او معزومه .....وبالطريق بنشر عندك الكفر وانتي بطريق عام وش راح تسوين؟

بتشــــــمرين اكمامك وبتصلحين كفر السيارة؟
تقـــــــــــدرين؟

صدقيني لو حاولتي تغيرينه بتتعبين وراح تخترب كشختك؟.

يعني ماقدامك الاتأشرين لسيارة مــــارة من عندك وتطلبين من راعيها المساعدة

وهذا راح يعرضك للفتنه او للاختطاف؟ والمغازلات؟


هذه اشياء بسيطه بس من الي راح يصير لك وانتي تسوقين السيارة

يالغالية مو كل شيء خاطرنا فيه بهالدنيا لازم نسويه؟

اجل وش خلينا للآخرة

تبين الملائكة تقول يوم القيامة:




( أَذْهَبْتُمْ طَيِّبَـٰتِكُمْ فِي حَيَاتِكُمُ ٱلدُّنْيَا وَٱسْتَمْتَعْتُمْ بِهَا)

هذاك اليوم كنت باحد المجمعات بالاحساء وجلست جمبي وحده متلثمه كانت ترغي وتتكلم
وشوي تكلمني تقول لي والله لو عندي سيارة ماجلست بهالمجمع .لان الي جايبهم تاخر عليهم. قلت لها :السواق متاخر عليكم
قالت :لا هذا مو سواق هذا واحد من اهلي .
بعدها طالعتني وقالت :انا اقصد لو انا عندي سيارة ماجلست وانتظرته؟
قلت بخاطري :طيب تجلسين تنظرين احسن من ان تعرضين نفسك للمخاطر
شكلها كانت معصبة لذا كان اسهل شيء اني التزمت الصمت


ويا اخواتي لاتقولون هذا بنات دول الخليج مبسوطات
ترى والله انهم يعانون من الخطورات واشياء ماتُـــقال
بس مو كل شيء يقولونه عبر الفضائيات

حلووو ان المرأة تتعلم قيادة السيارة مو علشان تسوقها لالالا
علشان لو قدر الله يوم اطلعت مع زوجها او اخوها او ابوها وتعب عليهم بالطريق او صار له شي وهم في ارض انقطعت سبل المواصلات والاتصالات فيها
تتولى هي هالامر كانقاذ للموقف

وترى يالغالية قيادة المرأة للسيارة مو حرية شخصية مثل ما انت فاهمة لا
لان بسبب هالشيء راح تصير مفاسد وفتن؟
ولاراح تتعطلين لو ماســـــقتي السيارة

صدقيني هناك حلول كثيرة
بس نصيحة في الله لاتبعين آخرتك لمجرد عروض دنيوية

واخير يالغلا خذي هالنصيحة من ابونا العلامة الشيخ محمد بن عثيمين رحمة الله علية
الي ماقال هالكلمات الا حرص وخوف عليك.
اليك هذا الرابط
http://www.saaid.net/female/f14.htm

للحين حاطة في عقلك قيادة السيارة
للحين منتظرة احد يقولك:
مبروك راح تسوقين السيارة؟

تذكري دائما إن درء المفاسد مقدم على جلب المصالح
حفظك الله ورعاك من كل فكر هدام