[مملكة الاحساس]

سبحانه مايخلق شي عبث
وهالعلماء لم يسبقون بالعلم
لان العرب هم اكثر حرص ع استعمال الهيل
لكن هم يوضحون لنا فوائدة اكثر
الهيل ومادراك مالهيل تسجل فيه الاشعار وتقام العدوات ويمتدح فيه قبايل

واليك هذه القصة:

الدلة اللي ما تبهر من الهيل
مثل العجوز اللي خبيث نسمها

يقال ان هذه الابيات اصلها هو

الدلة اللي ما تبهر مـن الهيـل
مثل الجزور اللي قليل (ن) دسمها

والقصة هي
يقال أن هذه الأبيات قالها شاب في مجلس ابن هذال شيخ عنزة
بعد ما شرب الفنجال قال هالأبيات يريد فيها أن يستعيب ويستنقص قهوة ابن هذال :
الدلـة اللـي ماتبهـر مـن الهيـل
مثل الجزور اللي قليل (ن) دسمهـا
من لايكيل الكيف مـن بنـدره كيـل
والنـار تشعـم معتبيـن حزمـهـا
اللي الى جاء الوقت يصبر على الميل
هذي طبـوع اللـي عـزازٍٍٍ شيمهـا

ورد عليه ابن هذال بهذه الأبيات :

متى طلعتوا ياكسـار الفناجيـل
مثل السليمي طرحها عند فمهـا
مر(ن) نبهر بزعفران مع الهيـل
ومر(ن) نخلي الواجبة من عدمها

راح اجرب الهيل مع الشاي الاخضر واشوف وش يطلع طعمه
عازفة مواضيعك تشبة رائحة الهيل الزاكية تماما كصاحبتها
كل الشكر ع هذه المعلومات