[aloyun]

العطله الاسبوعيه يتجمع فيها العوائل ، تكثر الزيارات ويسعد المجتمع بالتواصل ، كل الموظفين اللي يقضون خمس ايام في اعمالهم ولا يقدر يجي العيون الا في الخميس والجمعه .
لكن الخميس والجمعه بتكون سبب ازعاج وربكه وزحمه واغلاق للشوارع
الشباب يتجمهرون ويفحطون ويسدون الطرق من العصر الى شروق الشمس في بعض الايام
ياما وجه المصلحون ونبه الخطباء وكتبت المنتديات
بلاغات وشكاوي وحوادث واصابات وخساير





مع هذا كله مالقينا الا التطنيش من شبابنا الله يصلحهم
ماكأنهم يسوون إزعاج ويسهرون الناس
ماكنهم يغلقون الشوارع ويعطلون المرور
ماكنهم يعرضون انفسهم وغيرهم للخطر والخساير
مانهم يسمعون النصيحه ولا التنبيه ولا الدعاوي اللي يطلقها الناس




من مده وبعد احداث كبيره جات الشرطه وتمركزت في الدوارات
الاربعاء والخميس والجمعه من مده ماحسينا فيها بالهدوء الان هدوء وسلاسه في المرور
الدبابات ( المواطير ) تقريبا اختفت اللهم لك الحمد




شرايكم بالوضع هذا يا اعضاء ملتقانا