يا كفوفك ..
وين ادوّر لمسة كفوفك .. وهذا المساء أعمى ..
قاصرٍ حتّى يشوفك !
وين أبعثر فرحتي لاجيت من تعبي مسافر ..
والتفت ودّي أشوفك ..
وشفت خوفك ؟!
ممتلي بالأسئلة ..
والأجوبة تملى رفوفك !
وآنا بعدي .. مالقيتك !
وانت تشتاق ..
واشواقك ماترحم عيوني ...!
يا حناني / صوتي الدافي / الأغاني والقصايد / رقّتي /
لطفي / مدامع خاطري / ونّات صوتي !
طوّل غيابك ..
وانا مثل الضرير اللي بعد بكرا بيشوفك ..
وما يشوفك !!
يا كفوفك ..
وين ادوّر لمسة كفوفك .. وهذا المساء أعمى ..
قاصرٍ حتّى يشوفك !