[سالــفة قلبين]

يستاهل أتذكره ويستاهل أطـــريه
وأهل دمع العين كلما طريتــــه


اعتادت العالم من يموت ترثيـــه
وأنا رثيته حي .. وحي ٍ بكيتـــه


ماهي غريبه غالي ويبكي غاليــــه
بس الغريبه كيف بعده قويتــــــه


يغيب وابقى في غيابه أحاتيــــــه
ياكثر ماأفتقده .. كثر ماغليتـــه


يحسب بأني داله الفكر ساليــــه
وأنا على عهد الهوى مانسيـــته


لوغاب بعض الناس بالخير نطريـــه
والبعــض لامن غاب زرته وعنيتـــه


وأنابغيابه في عيوني.. ألاقيـــه
وبوسط وجداني حفر ساس بيتـــه


غالي .. وغالي وبالغلا من يساويـــه
روحي بروحه تعلقت من لقيـــته


أمـــــــوت في حبه..ولاتسألو ليـــه
يمكن أنا مدري على ما هويتـــه


متمكن بقلبي هواه وسكن فيـــه
لولا النقا والطهر .. لا ما رضيتـــه