[الفضلي]

الليل عتــمـه والمساكن حزيـنه =عليـك يـاللي يهتـوي القـلب طــرياك

أموت هايم والمـشاعر دفيــنـه = ياللي منى قــلبي عــلى الــدوم لقـياك

أهوى الذي يامهجتي تهتــوينه = واكره واعادي اللي من الناس عاداك

ترى المشاعر يامـنـايـا سجينه = سجــينةٍ تــبغي من الـنـاس شــرواك

أهوى النوايف واتجاهل طمينه = وانــولــها لوهي على روس الافلاك

أصيد من صيد البراري سمينه = مايــمنــعـن عــنها قــويّات الاشواك

لو تطلبين الروح عندك رهينه = تــطيــب نــفسي بــارك الله مـسـعاك

ماشفت مثلك ســلوتي يافتــينـه = يــازين مـنــطوقك ويازيـن مـربــاك