[لـــمـــ سة حــــ نان]

طبعا الجو صار يبرد هالايااام قلت خليني اسوي لهم عصيد تدفيهم 4كاسات طحين 3كاسات سكر مذوب طبعا"(والسكر على حسب ماتحب تقلل او تزيد) 9كاسات ماء 2ملقعة فلفل اسود وقليل زعفران وطريقتي سهلة جدا جدا نخلط اربع كاسات الماء مع السكربعد مايبرد علشان ماتتكتل ونخلط الخمسة الاكواب الباقية مع الطحين جيدا"في قدر اخر وبعدها نصب خليط الطحين على خليط السكر وهو باردونخلطهم ونحط الفلفل الاسود والزعفران وخليه على نااااار هادئة جدا مع التحريك ونغطي القدر ونخليه من ساعة ونصف الى ساعتين واللي حاب العصيد يكون ثقيل شوي يحطه فوق على النار واللي يحبها تكون رخوه ولينه مره يحطها في الفرن على نار هادئه وينساااها (قصدي الى بعد ساعتين) ولاننسى نجهز الزبده بعد مانذوبها... نمسح بها على العصيد ولايقول احد مايعرف يسويها وربي اسهل من كيذا مافيه (والمعذره على رداءة وجودة الصور)