طول غيابك يا نظر عين مغليك *** الجرح زاد وصار فوق احتمالي
تتعبني الفرقا ولا نيب ناسيك *** وتحرقني أشواقي وسود الليالي
أسهر وروحي بالليالي تناديك *** غالي على قلبٍ شقا فيك غالي
ماتت حروفي منك لو موتها فيك *** بين الشفايف صمت واحرقت حالي
ارجع وخذ قلب العنا بين أياديك *** كن الفضاء من دون شوفتك خالي
وازرع أمل للشوق في نفس تعطيك *** نفس الوفاء يكفيني اللي جرالي
لا تمتحني بالغياب و تغلّيك *** مثل القمر قدرك عن الناس عالي