[بن عجاج]

يفديش من يمشي على الارض يفديش
وانـا بعـد مـن ضمنهـم فدوتلـش

يا كثـر ماحبـش وياكثـر مغلـيـش
ويا كثر ماحلم فيش وعينـي تهلـش

ويا كثر مافرح بش وياكثـر مابكيـش
ويا كذبي يوم اقـول ذا القلـب ملـش

ودي اضمش حيل وبصدري احميـش
عن كل عـاذل فـي هروجـه يعلـش

يا ام العيون السـود قلبـي باايديـش
قلبـي هـواش ولا طرالـه يمـلـش

لو تطلبين الـروح لا شـك بعطيـش
برخص حياتي لجل عينـش ولجلـش

لش في ضميري قصر ماحدن يجاريش
متمركزه في عـرش قلبـي محلـش

يابنت قلبي اصبـح اليـوم يرضيـش
يامشي على امـرش ودوم يحسبلـش

مغرم خفوقي في محبتـش شاريـش
كم ليلتن لا ضـاق صـدرش زعلـش

يامه قضيت الليـل والعيـن تبكيـش
لا غبتي عني ومدري وش هو حصلش

يابنت قلبي مغرمـن فيـش هويـش
قلبي وروحي تحـت امـرش فدالـش