[لـــمـــ سة حــــ نان]

بسم الله الرحمن الرحيم السلام عليكم ورحمة الله وبركاته كيف حالكم جميعا ان شاء الله تكونو في اتم الصحه والعافيه اليوم جايبه لكم طريقتي في عمل الكفته بالصلصه الحمرا وهي مره مره سهله نبدا : اول شي نجيب لحم مفروم حسب الكمية لحم او غنم على كيكفم بس الغنم راح يكون سمين اكثر نخلط معاه بصله مفرومه كبيره وثوم مفروم وبهار لحم وكمون وملح وفلفل وكركم شوي ونخلطه كويس ونضيف عليه 4 ملاعق بقسماط وبيضه ونخلطهم سوا عشان تتماسك اللحمه ناخذ اللحم المفروم ونسويه على شكل كور ونقليه في زيت حار ونحطه على ورق يمص الزيت وراح يكون بالشكل هذا نجيب قدر كبير ونحط فيه زيت ونحمر بصلتين كبار مفرومين و2 فص ثوم مفروم ونحمر البصل ونضيف قطرات مويه لو حسينا البصل ناشف للترطيب بس ونرجع نحمر وبعدها نضيف علبتين معجون طماطم صغيره وربع كوب مويه ونحركه على النار ونحط بهار فلفل اسود وملح وكمون وكاري وبهار لحم او بهارات مشكله ونحركهم سوا لين تصير عندي صلصه ثقيله بهالشكل الحين نضيف عليه كرات اللحم ونضيف فوقهم ربع كوب بقدونس مفروم ونخليهم شوي ياخذون النكهه ويتسبك كله مع بعض على نار هاديه ونتاكد من الملح وبيكون شكله كذا ويتقدم مع المكرونه البيضه او السبيجتي او الرز الابيض او حتى بالخبز على راحتكم وبالهنا والشفا