[عبدالرحمن الغريب]

السلام عليكم كلكم ورحمة الله

مساكم الله وصبحكم بالسرور

- هـذه أبيات غزلية نظـمتها . . عـاد ودي أشارك بها معكم عساها تجوز .

الـفــال زيــن

يا زين خط ٍ جا. بظرف الرسالة // جابه ومدّه بالادب لي رسوله
--
هلهل سروري به وقلبي دعا..له /// ورعـشة فرح تناولتني مَهولة
--
فكـّيت ظرف الخط والقـلب واله // مثل الوله للغـيث حزة هطوله
--
شفت الحروف السود ذي من خلاله // فصوص عقد ٍ ياسرالعين زوله
--
وكل الكلام اللي حـوى..لـه دلالة // عـرفـتها باوّل معاني فصـوله
--
أقرا..كلامه واتـَصـوّر خـياله /// في نظرته في لفـتـته في قـبوله
--
في جلسته في ضحكته في دلاله // في مسكتي لِـيْديْه عمْد. وذهوله
--
واهـتزّ. بي له شوق يرقب هلاله // والهـمّ ضاعت في سرابه فلوله
--
--
لا تحـْسب اني يالغلا..عـنـْك داله /// كل الـدقايق في غـيابك ملولة
--
بين الملا.ألبس وشاح الجـِمالة ْ /// والنفس في رجواك ماهي عجولة ْ
--
والياس ما. جا.له معاها زمالة //وما هي على صغـرالخطايا زعولة
--
الفال زين ومن صبر طاب فاله /// شفني صبرت وجـيتـني بالسهولة ْ
-------------------------

وسلامتكم جميع

=

</b></i>