السلام عليكم ورحمةالله وبركاته
هذا مقطع مبكي لام فقدت ابنها في حرب جازان نسال الله ان يجمعهم في جنات النعيم
وهني منهو ضناه يجيه ويزوره
وانا ضناي نهار السبت ودعته
وانا على فقدته بالحيل محروره
والليل باعبيد أنا والله ما نمته
ماعاد اشوفه بعيني كود بالصوره
ولاهوب سامع نداي لو ناديته
والعين لوكان تبكي قلت معذوره
اقول ياليتني في القبر
خاويته
وانا من اول بجنبه دوم مسروره
وقلبي اللي على فرقاه صبرته
ياقاتل النفس شوف الارض مسبورة
ياللي تصلى السلم كم فرض خليته
والنفس بامر الولي ياعبيد منصوره
اما يجيك الخبر ولا تسمعته
وعيني اللي تهل الدمع مجبوره
وقلبي اللي على الاحزان حديته
لوه مريض ترا ناديت دكتوره
ولوه سجين ترا بالمال فكيته
جاني طويل العمر وفرحت بحضوره
جاني معزي على الاسره وعزيته