[هاوي العيون]

ابدء واقول




ودّي أكون أي شخص ثاني أي شخص عابر والتقاك
وبأسالك وش منك جاني وبالمقابل شاللي جاك؟!!
إنت ماتذكر حناني كيف كنت أشري رضاك؟!!
كنت أشوف العمر فاني واللي يبقالي هواك

:

كنت أحسب الله عطاني مادريت إنّه عطاك
الله بشرّك بلاني وانت بالخير إبتلاك
كنت عايش بالأماني كنت[ أعدّيلك خطاك]
لي متى بامسك لساني واكتم العبره معاك

:

كنت أعاند بك زماني واتحدّاه بوفاك
إنت رحت وهو بكاني قال انا بوقف معاك
إكتشفت إنّك أناني وانّي اكبر من خطاك
حظّك اللي ما قواني جابك ورد وخذاك