[الحــزن عــادة]

تمهل قبل لا ترحل .. و خذ معك السهر يآ صآح
و نوحٍ مآ طوى ياسي.. وقصيدٍ ملَّه الدفتر

عسآي ليا ابتعد زولك أطيب وخآطري يرتآح
و أقول : ان الزمن وفىَّ..و لو ان الزمن قصَّر

تعبت أضحك على نفسي وأقول : الهم عني زاح
و تعبت ابحث عن الحلم الكبير اللي بك تكسر

و تعبت أداري احسآسك و ظلمك دآخلي يجتآح
سلب ابسط طموحاتي و أقول تهون.. وأتصبر

ولكن ما نفع صبري .. وحظي لو رفعته طاح
و عرفت انك نهآية حب .. ودرب للشقى أغبر

و عرفت انك ليا منك خطيت تطري المروآح
وخطاي اني ليا منك خطيت اجيك واتعذر

افآ والله حبيبي ما هقيتك تنكر اللي راح
ولا ظنيت في لحظه يجي لك يوم و تتنكر

حسبتك ليا ارتطم موج الفراق و ضيَّع الملاح
تكون بعينه المرسى .. ولكن كنت تتكبر

حسافه يا السنين اللي قضيناها حزن و أفراح
ابد ما مرت ببالك ولا حبيت تتذكر

واذا هذي نهايتنا ابشعل للجفآ مصبآح
و ببقى الشآمخ اللي ما نكر ذاته ولا تغير

و لكن .. قبل لا ترحل اخذ معك السهر يآ صآح
و نوحٍ مآ طوى ياسي.. وقصيدٍ ملَّه الدفتر




..؛..( الحــــزن عـــــادة )..؛..