[كلمة حق]

ابكـتـب بالحبــــر همي واسطـــر دمعتي بكتاب
وبنثر حزني بأوراقي وبسكت لا لفى الأصحاب

بصيح بصـوت يحرقني بليلي اشتكي بسهاب
بحـــدر دمعتي حره واسكت لا لمحت أحبـــاب

ابـتـدثــر بـــــأوجاعي وأكلم نجمتي بعتـــاب
ابحكيها واشكيها ودمعي في الحشا مرتـــاب

ابســـأل بـــدر هــاليله وبفتح للكلام احســـاب
بمد يديني مشكات اشوفلي و الهنـا اقــراب

زمانـــاً أقلب أوراقه يهد الحيل يجيب أتعـــاب
زمانـــاً صعبـة أوصافه وأيامه شقا وأنصـــاب

اشــــد الفرحــه أحضنها تصد تبعد تسد البــاب
إلهي اشتكي همي إلهي عالـــم الأسبــــــاب

تعرف أني أبيت الليل وهمي رافعلي نــــــاب
تعرف الدمع يجي سيل وتذبل فيني الأهـــداب

إلهي فرج هموماً لها في خافقي ســــــــراب
وفرج كربت جارت وريح جمر هالأعصــــــــاب!!