[كلمة حق]

ياسامعي بعطيك موجز وتحليل
قل اللي قال في عرض قوله
بعض الرجال أسراج عن ظلمة الليل
للعز والناموس يمشي ذلوله
وأحدن هلامه باردن طبعه خبيل
ثقيل دم يضيق من كان حوله
وأحدن خبيث يحول الهرج تحويل
أبسط صفاته يجحدك وبسهوله
وأحدن جمل يبرك علي الحمل ويشيل
باالكايده رجليه ماهي معقوله
وأحدن ليا خاواك شفت البهاذيل
هديفتن خطاه دايم عجوله
وأحدن كريمن عادته يذبح الحيل
يفرح اليامن النشاما عنوله
أحدن مكوبر لامشي قلت حلحيل
مغتر في شكله وعرضه وطوله
تروح وتجيك رجال جيلن ورى جيل
واللي كسب رجال نال البطوله