[كلمة حق]

عسى يومي قبل يومك وروحي فدوة لروحـك
يابـو وجـهٍ يشـعّ النـور منّـه واتقدّابـه
أكحّل بك عيونٍ تستمد الشوف مـن ضوحـك
وأعيش بحسّك العامـر بتقـوى الله وأحيابـه
أصح لصحتك وأفرح بها وأبوح مـن بوحـك
وأضيق لضيقتك وأرضخ لحكم الله وأرضابـه
عساها لك طهور ومغفره والشـر مطروحـك
يزيل الباس رب الناس عنك ويذهِـب أسبابـه
لاونْ العافيه تعطى نـذر ماتقصـر شبوحـك
عطيتك عافية جسمي ودمّي وانته أولـى بـه
تهون النفس من شانك وترخص لجل مصلوحك
تهون النفس من شانك وترخص لجل مصلوحك
أقدّمها فدى وأرفع كفوفي وأشكـي جروحـك
علـى ربٍ كريـمٍ دون خلقـه مانقفـل بابـه
أساله يلطف بحالك ويرفـع عنـك ساموحـك
ويجعل لك على الطاعه مديد العمـر والثابـه
وأشوفك مثل الاول يقصر المنعور عن شوحـك
على درب الوفاء والطيب والمعروف وأصحابه
مشاعر صادقـه عبّرتهـا والعـز بصروحـك
مشاعر صادقـه عبّرتهـا والعـز بصروحـك