[تولين]

السلام عليكم ورحمة الله وبركاته

الله يجزاك خير اخوي ابن - العيون على عتبك الصغير على قولك

سبحان الله انا كنت ناويه ا وافكر اكتب في هالموضوع من كم يوم بس انت ماقصرت

لكن انا عندي نقطه اذا سمحت لي ابي اقولها

من ناحية طريق العقير طبعا هذا مو طريق عقير هذا اسمه طريق الموت

المفروض يكون في شارع ثاني مو واحد يعني لو تلاحظ مساحه كبيره عريضه ع الفاضي لييييه مايستفاد منها

وما اتوقع ان الدوله مقصره ماديا من هالناحية بس هم يعزمون النيه ويتوكلون على الله

وطبعا انا ما انكر جهود رئيس البلديه صراحه ماقصر بس مو عيب اني اقول الأشياء الغلط علشان الواحد

يصححها مستقبلا انتوا وجههوه وقولوا له وما اتوقع انه بيردكم

بس كل واحد ساكت ويقول لسان حاله لاماعليه فيه غيري راح يتكلم ويقول ليه اتعب نفسي...." مايصير كذا ابدا"

يعني متى بتتحرك البلديه وتشوف حل لهالشارع من منا ما فقد احد من اهله او شخص عزيز عليه في هالشارع الزفت

بالله عليكم هذا شارع !!!!

ومن ناحية هالجمال السايبه ليه بهالشكل منتشره في كل مكان والله لو واحد يمسك الجمال ويوديهم المسلخ

ويوزعهم على الفقراء احسن من موت اشخاص ابرياء وعقاب لصاحبهم اللي مايحس واذا فيه خير يجي يسأل

عنهم او يطالب فيهم ,,


الى متى هالبرود وعدم المبالاه وعدم الإهتمام بأرواح البشر

ادري كلامي مراح يقدم ولا يأخر لكن بمساعدتكم نقدر نصنع المعجزات

كأني طوولت بس ماعليه اخوي والله ماتكلمت إلا من قلب مقهوور يعني شبه يومي نسمع فلان مااات

بسبب ايش صادم في جمل طيب وبعدين الله يرحمه من المسؤوووول ما احد الجمل هو المسؤل والجمل يقوم مثل

الشيطان يوقف على رجوله من جديد ويدوور على ضحيه جدييده

وتعاد الأحداث من جدييييد كفانا الله وإياكم شر هذا الشارع


وربي يعطيك العافيه ويحفظك ويطول بعمرك ,,,

دمت كما تحب ,,,

توليـــــــن