[كلمة حق]

خذني‏ معك من وين مارحت وياك..
خذني بقلبك دام قلبي رهينك،،،
صعبه ترى لوشفت وشلون أبسلاك
لوطفت هالعالم تراني سجينك،،،
عذبتني... وشقيت روحن تمناك
لوالهوى ينطق وربي يدينك،،،
شاب الغلا ينزف على درب ذكراك
رغم الجفا لازال يرجي حنينك،،،
دونك حياتي كلها ضيق ورباك
الواقع اللي ماتمناه عينك،،،
مقدر على بعدك حشى كيف فرقاك
هذي الحقيقه خلها في يقينك،،،
كل المشاعر في غيابك تحراك
تصرخ عليك من الوله حيل وينك؟،،،
ادري تساومني بروعة مزاياك
وتدري أضيع ليابدالي جبينك،،،
همك عذاب اللي نسى الناس لرضاك
وهمي أشوفك مهتني في سنينك،،،
لوتطلب سنين العمر من فداياك
سلمت لك عمري براحة يمينك،،،
سميت نفسي بالمحبه حزينك،،،
يكفي دخيلك حس باللي ترجاك"
لاعاش من هو ياحياتي يهينك،،،
تعبت مالي بالهوى غير دنياك
مديت لك يمناي عطني يدينك،،،
أعاهدك ببقى عالحب منساك
عهدن قطعته بين قلبي وبينك،،،