[المـشتاق]

الرجل يحتاج الكثير
نعم يحتاج الكثير.....!!
مدخل... ضمن الاحتياج..
ومرات تحتاج .. لحبيب(ن) تصافيه
........ اليا ابتعد تشتاق .. وان جــاك رايــق


مما راق لي ......؟

هواجيـسٍ لافـت عـلـى الفـكـر تطـريـه
وقلـبـي عنـيـد وهـــاويٍ فـــي هـيـامـه


فكـري يراودنـي علـى الحـب وأبغـيـه
هـاجـس شـعـور وراقــيٍ كــل هـامــه


علـى الـذي حـبـه مــن الـنـاس نـاويـه
حـــبٍ عـفـيـف ولا يـمــس الـكـرامــه


إي والله إنــي عاشـقـه مــوت وأغلـيـه
وقلـبـي تركـنـي لـيـه مــدري عـلامــه


قـفّـا عــن عيـونـي وأصـيّـح وأنـاديــه
وخـلا الضلـوع وطـار مثـل الحمـامـه


إن جيـت لــه مشـتـاق شـوقـي أخبـيـه
مابـيـه يــدري عــن غــلاه وغـرامــه


خـوفـي يـلاقـي مـدخـلٍ وأبتـلـش فـيـه
وقـلـبـي يـحـبـه مـايـدانــي خـصـامــه


شفـتـه وضــاع الـهـرج والله يجـازيـه
وحـارت دموعـي وسـط عينـي أمامـه


أرمشـت انـا مـن شـان دمـعـي أخفـيـه
خـوفـي مــن المنـقـود فــوق الـمـلامـه


لـو يلبـس الخيـشـه يـزيـد الـحـلا فـيـه
الـزيــن يـفــرض هيـبـتـه وإحـتـرامـه


إن شافـه التاجـر وقــف لــه مراعـيـه
تـطـري علـيـه أفـكـار ربــح وفهـامـه


بكـره يحـط الخيـش بالـسـوق نشـريـه
وعادي نشوف الخيش معروض خامه


وحتـى الشجـاع إن شافـه اليـوم ياتيـه
يـاتـيـه ذل ومـرتـبـك فــــي بـتـسـامـه


يـاتــيــلــه يــتــأتـــأ ووده يـحــاكــيــه
وقـلـبـه يــــدق ولا تـشـيـلـه عـظـامــه


يطـيـح مــن دونــه سبـايـب خطـاويـه
رجلـه عثـت بــه قـبـل ينـطـق كـلامـه


هــاذي عيـونـه جـعـل ربـــي يخـلـيـه
وشـلـون لـــو يـكـشـف بـقـايـا لـثـامـه


حسبي على أمـه مـع خوانـه معـا أبيـه
وكــل الجمـاعـه والـخــوال وعـمـامـه


مبـهـر عـيـون الـنـاس مـحـدٍ يحـالـيـه
مـثــل الـبــروق الـلآمـعـه بالـغـمـامـه


حـبــه رجـــوم وكـــل رجـــمٍ أعـديــه
وأتـعـب عـلـى مـبـداه لأعـلـى سنـامـه


ودي أوصــف مـيــر مـابــي بـلاويــه
الله رقيـبـي مـــن وصـايــف حـرامــه


تذرف دموعـي دايمـاً خـوف وأرجيـه
خــوف أتـعــذب مـنــه يـــوم القـيـامـه


وودي أقول الصـدق وأكشـف خوافيـه
العـلـم نــور و جـاهـلـه فـــي ظـلامــه


الـزيــن يـجـلـي والتجـاعـيـد تمـحـيـه
وتـبـقـى بـــه أخـلاقــه تـبـيّـن مـقـامـه


يـاتـرتـقـي بــــه فــــوق ولا تـوطـيــه
كـأخـلاق طـفـلٍ بـعـد قطـعـت فطـامـه


وأمّــا يعـيـش وحـافــظٍ عـــز مغـلـيـه
ولا عـلـى الـرجــال حـفــظ الـكـرامـه

مخرج ...

بعض الحقايق ثابته دون تأليف
ثنتين عندي وآآآضحه وامعروفه :


اقسا فراق يكون فرقا موآآآليف
وآعذب دقايق ضمَة ايدي كفوفه ..!