[شوووق]

وعليكم السلام ورحمة الله وبركاته

أدام الله أسنتنا رطبة بذكره .. جزاك الله خير ياخوي ...

أكره التصنع في حياتي كلها واللي يتصنع واضح انه مو على طبيعته ..

أضرب لك مثل : أخوي يشتغل مع بدو في مقر عمله ...

يتكلم معنا عادي .. بس إذا رد على تلفون أو يكلم أشخاص من برا العيون

أو في محطات البنزين يتكلم مثل البدو ،، ودي أشيله وأسدحه بالأرض ..

وأكرهه ذيك اللحظة .. الحركة تزوغ قلبي ..

أشوف أخوي فيها مغرور ويغتر ويتغير حاله ..ويصير بايخ جدا ..

لكن البعض ومن خلال القراءة والثقافة والعصر اللي احنا فيه

تعلموا وتثقفوا وعرفوا بعض الألفاظ اللي تصلح لكل المجتمعات

فما فيه مانع أني إذا كلمت أي أحد سواء داخل أو خارج العيون

أن لهجتي تكون لبقة ..وابتعد عن بعض الالفاظ الغير مفهومة ...

واضرب لك مثل آخر : كلمات تعودنا عليها بالبيت منذ الصغر وكبرنا

وعرفنا كيف نستبدلها ، لكن أمي مازالت على لهجتها واخواني الصغار

ياخذون لهجة أمي ،، أحيانا أتكلم بكلمات إذا سمعوني الصغار والله يضحكون

علي مع انها صحيحة وعادية جدا ... لكن من شب على شيء شاب عليه ..

لذا أنا بصراحة من وجهة نظري أن نحرص على تعلم مفردات اللغة العربية ..

والله تجنن ،،، بس من غير تصنع تصنع تصنع تصنع ..

شاكرة طرحك الرائع اخي فزعان ..