[الـمـهـاجـر]

ضــاقــت بعــيـونـي الوســيـعـة :::

كـنـت أقـــول إن ضـاقـــت الـدنـيــا تــوســـع

وتـســاءل لــيـه ضــاقـت في عيـونـي هالوسـيـعــــة

لـيـن شـفـت الخافـــق الـلي حــــب وتــولــــع

يــحـرقـه وقــته وصـــارت حـيـاتــه فـجــــيـعــــــة

مـنـحرف حـظي وعـرفـه طول عـمره مـاتسـنع

مــن عـرفـت الشـوق قـاسـي والهوى هذا صنيعـــة

يـاحـيـاتي حـط يـدك فــوق هـالقـلب وتـسـمــع

بـس لاتـسـأل دخـيـلـك لـيـــه دقــاتــه ســـريــعـــة

يـوم شـفـتـك داخـل عـيـوني نـما حـب وتـربع

يـوم شـفـتك والـحـيـاة الـقـاسـيـة صـارت بـديـعــة

كيف أعيش وبعدك أنفاسي بها مـوتي تـمـتـع

كيـف وأحـلامي غـدت دونـك كـوابـيـس شـنـيـعـة

والحزن آآآهـ يالحزن فـيني به الخـافق تشبع

آآهـ من قلبي وأنـا أشـوفـه مع الوقت يتقطـع

يـامر عـيوني تـهل الـدمـع وعـيوني تطـيـعـــــة

أنـت حـبك غير كل الحب لو ربعـه تـوزع

كل واحد ماعشـق قلبـه يبـي يصبـح صـريـعــة

عـاد تـدري لـوهـوى كل الخـلايق لك تجمع

مـايجي ذرة مـن إحـساسي مـدام إنـك شـفـيعـة

يازماني دامني ماأقوى على عنادك تـشـجع

وأرسـم جروحي وأنا بشكي على رب الشريعة

ياالله إني طالبك من قلـب صادق ويتضرع

لاتجـي بينـي وبيـنه كــره وأحــزان وقطيعــة

يالله إني طالبك وإن ضاقت الدنيـا توسـع

ليـن تـفرج والحـياة تـصـير بـوجوده وسيعــة