[سلطان الحب]

يوميات طفل سعودي

--------------------------------------------------------------------------------



هذه كلمات مسروقة من دفتر طفل..........

-السبت:-
فتحت عيوني..ادورعن نور..امروني "غمض..وغمضت..بعدها ما شفت لا ابيض ...ولا اسود!

الاحد:-
كنت اسمعهم يقولون (العن ابوك!)(ياحمار)(ياحيوان)(ياثور)(يا بقره)(يالوح)(جدار)....فتوقعت انني في حديقه الحيونات..فتحت عيوني ابغى اشوف هالـ(الحيونات)..قالوا لي :"مايصلح تشوف قله ادب!).. سالتهم :"طيب فيه عصفور؟".. صرخووووا في وجهي "أنطم وغمض!"


الاثنين:-
سمحوا لي أني اشوف التلفزيون ...كنت جالس لحالى منسجم مع افلام كرتون..ودخلت امي..وكان ابو عائلة ادمز(يبوس) امهم.. ركضت امي .. غيرت القناه..وصرخت في وجهي بأعلى صوتها:"عيب عليك..قاعد تشوف قلة أدب!"...ناظرتها بكل براءة وانا متعجب من اللى صار:"طيب وش فيها؟ ابوهم يبوس امهم!".. قالت لى وهي معصبة مرررررررة :"التبويس قلة حياء!" بعدها باسبوع..شفت امي تسلم على ام الجيران و( تبوسها )..قلت لها وانا كلى اسى :"يا ماما ..التبويس قلة حياء"


الثلاثاء:-
كانوا بنات خالتي عندنا ..وكنت الولد الوحيد اللي يلعب معهم وابوي بس يبحلق عيونه فيني وين مارحت ووين ماجيت..بعد ماراحوا..ناداني ابوي وقال: "عيب الواحد يجلس مع بنات...قلة ادب!"
بعدها باسبووووووع ....كان ابوي جالس مع عماتي ناظرته بطرف عيني(وتبون الصدق نقدت عليه)..وقلت له "اللي يجلس مع بنات ..........قليل أدب!"


الاربعاء:-
كنت اسمعهم يقولون ( صدام قوي)..واعجبني..بعد الازمة ..قالوا ( حرامي ومجرم )..سالتهم "كيف؟!" ...قالوا "حرامي ومجرم ...وبس... واسكت!"
وكنت اسمعهم بعد يقولون ( جيم كاري ..فاسد) ..فكرهته على طول..وكانوا يشوفون افلامه..ويضحكون..كنت اسلهم "ليه تضحكون؟!..هماه فاسد؟!"..قالوا " ورا ما تنطم بس ؟!"


الخميس:-
ابوي قال: (التتن )حرام.. واللى يدخن يدخل النار..وفي يوم شفت ابوي جالس مع صديقه ابو خالد...وابو خالد ماسك السيجارة بيده..وقفت وسالت ابوي " طيب اللى يجلس مع اللى يدخنون..يدخل النار بعد ؟!"


الجمعة:-
اسمعهم يقولون ..ان اللى يطول في مكالماته يغازل..واللى يروح للسوق يغازل..واللى يعرف انترنت يغازل..وامي تطول على التلفون ..وتروح للسوق..وتطقطق على الكمبيوتر..رحت لابوي انا مصدوم" ابوووووووووووي الحق.. امي تغازل! "


معليش طولت عليكن ولكن هذي من دفتر طفل زغينوووون ونتفه سرقته
مــنــه