[كلمة حق]

يا صقر وا هنيك لك جنـاح وتطيـر
لى طرى لك نزعت و طرت يم الهوا
بين قلبي و بينـك فـرق والله كبيـر
لى كفخت انطلقت و لى كفخت التوى
انت حايم و انا بالقاع دوبـي أسيـر
في صحاري زماني ذيب ليلي عـوى
فوق جوك سحاب و حدر جوي هجير
القدم فوق رمضا و الخفوق اكتـوى
الحذر يا صقر لا يشبكونـك أسيـر
ويل صقر يتله مربطـه لـى نـوى
برقعته الليالي فـوق وكـر قصيـر
عقب صفقة جناحه بالهوا لى اهتـوى
كل حر إلى ضاق انتهـض للمطيـر
حومتـه بالسمـا ساعـه لقلبـه دوا
وا عذاب الجناح اللي يجـره كسيـر
كلما فز مكسـور النواهـض هـوى