[كلمة حق]

غيبوبتي طالت وحلم العمر طاف
وهم التعاسة في مكاني رماني


اضحك واجامل والحشا يرعف رعاف
متبعثر مابين قاصي وداني


ماتت جماهير الأمل قبل تنشاف
ومستقبلي من أزوره جفاني


والموج يهزابي وانا بدون مجداف
متغربل والياس حل وطواني


على مساحاتي صدى الحزن عزاف
وعلى جراحي تستريح الأغاني


شئ بجوفي مادري فيه شفاف
ولاكل من يقرا الملامح قراني


وين السعادة ودربها كله إجحاف
لاراح هم...جد هم ودعاني


كني مطيه للشقا بين الأجلاف
لاروح تفهمني وقلب حاني