[شوووق]

خايف من التبرع بالدم
اصلا اكياس الدم دى بتتباع
اساسا الموضوع مش معقم دا انا حتى اعرف واحد مات عشان اتبرع بالدم وجاله مرض
انا ممكن اتعب ويجيلى هبوط بعد ما اتبرع بالدم
اصل بصراحه رغم انى شجاع وكل حاجه بس بخاف من شكه الدبوس دى اوى
بصوا بقى متخنوقناش عايزين فلوس هنتبرع لكوا ، ملابس هنديكوا، نيجى نلعب مع العيال ونشلهم عيونا ليكوا.
لكن كمان مخلتولناش حبه الدم اللى عندنا!



*************************

هوه الدم اللى بنتبرع بيه بيروح لمين ؟
بيروح لاطفال
ايوه يعنى مين الاطفال دول
اكيد كلنا عارفين انهم الاطفال اللى مصابين بمرض انميا البحر المتوسط وغيرها من الأمراض الأخرى.
وكلنا حافظين ان الاطفال دول بيحتاجوا نقل دم بصفه دوريه
بس حد فكر يعنى ايه انه لو مجلوش دم فى معادوا المحدد كذا مره ورا بعض ممكن يموت
طب حد فكر يعنى ايه طفل يموت
حد تخيل لو الطفل ده من اهل بيتك لاقدر الله انه كان ابنك او اخوك محتاج لنقل دم بصفه دوريه كان هيكون ايه احساسك لما تيجى تقول لواحد اخويا بيموت اتبرعله لو سمحت يقولك انا اسف اوى معلش اصلى بخاف من شكه الابره الكبيره بتاعتكوا دى ((قبل كده سألت السؤال ده لواحد قالى ان لو كنت فى الموقف ده هضربه بالالم))


هيّه محتاجه لحظه .لحظه نتخيل فيها حال الام اللى رايحه بطفلها المكان اللى هيه بتروحه عشان تاخد لطفلها كيس الدم اللى بصفه دوريه ويقولولها احنا اسفين اوى بس فصيله دم ابنك مش موجوده دلؤتى عشان مفيش حد اتبرع من اصحاب الفصيله دى ...

نقلا عن منتدى جمعية رسالة للأعمال الخيرية