[كلمة حق]

ماني على ماقيل .. ( راعي مصالح )
ولاني من اللي .. فعله .. يخالف القول




أنا من اللي .. بالمواقيف .. رابح
هزيت ناس.. ولا حد ٍ هز لي طوووول




وجهي عليه من الجمايل .. ملامح
وإسمي مع قرووووم الرجاجيل .. مشمول




بالمزح تلقاني .. مرّوق .. ومازح
وبالضيق صبار ٍ .. ولااقول لا أحووووول




ضد الغلط أحيان .. أدمح .. وأسامح
وأحيان (( أخربهاااااا ))..ولاتنفع حلول!!




شعري مترجمني .. ولانيب .. شارح
معناي واضح نوب .. ونوبات .. مجهول




أكبر عيوبي .. ميلتي .. للمصارح
لو بالصراحه عكس.. ماكان مأمول




واللي تحداني.. ولاصار .. جانح
مخبووول/و مضيّع / وغادي /و مهبول




أقسم قسم .. بالذل .. ليصير ساااابح
وإن كان فأمه خير .. يبرهن وش يقول ..!!




نفسي .. وعارفها .. ولاجيت مادح
والقلب بابه .. للكِبر .. دوم مقفول




للطيب فيني عشق .. نبض .. وجوارح
وإحساس روحي للصخا .. فيه .. مدلول




والشهره اللي كل أبوها .. مصاااااااااالح
أنا .. غني عنها .. بـ ( ربعي ) .. على طووووول