[كلمة حق]

الصبح ألي به ينولد هـم وغبـون
والليل ألي يحرق عيونـي وهدبهـا

والفرح ألي من بادي الوقت مسجون
والقلب ألي كل المصايـب شربهـا

والعين ألي تذرف سحابات ومـزون
والنفس ألي تعلـن أخيـرا تعبهـا

كله لفتني ليلـة السبـت بشجـون
وكلي تحت أمر الشجـون وطلبهـا

الليل يشكي لي من الهـم وأجفـون
والهم يشكي لـي طعونـن كسبهـا

والربح والخسران بالعمر مرهـون
والقلب منهو فرحتـه قـد سلبهـا؟

تخالطت فينـي أحاسيـس وظنـون
تماتحتنـي مـن الشدايـد نشبهـا

ضحيت مدري كيف ضحيت وشلون
ضحيـت مـدري لكـن الله كتبهـا