[كلمة حق]

يا صقر واهنّيك لك جناحٍ تطير
لا طرى لك مزعت وطرت يم الهوا


بين قلبي وبينك فرق والله كبير
إن كفخت إنطلقت ولا كفخت إلتوا


انت حاير وانا بالقاع دوبي اسير
في صحاري زماني ذيب ليلي عوى


فوق جوك سحاب وحدر جوي هجير
القدم فوق رمضا والخفوق اكتوا


الحذر يا صقر لا يشبكونك أسير
ويا صقرٍ يتلّه مربطه لا نوى


برقعته الليالي فوق وكرٍ قصير
عقب صفقة جناحه بالهوا لا اهتوى


كل حرٍ إلى ضاق انتهض للمطير
حومته بالهوا ساعه لقلبه دوا


واعذب الجناح اللي يجره كسير
كل ما فز مكسور النواضح هوى